Kanadada separatizm

Kanadanın mərkəzi əyaləti olan Albertanın Baş naziri Danielle Smith, 19 oktyabrda keçiriləcək referendumda sakinlərin Albertanın Kanadanın bir əyaləti olaraq qalıb-qalmaması və ya məcburi əyalət referendumunun keçirilməsi üçün ölkə konstitusiyasının tələb etdiyi hüquqi prosesin başlanıb-başlanmaması barədə səs verəcəyini açıqlayıb.

Herbiand.az xəbər verir ki, bu barədə BBC-nin yaydığı məlumata görə,  baş nazir şəxsən Albertanın Kanadanın bir hissəsi olaraq qalmasına səs verəcəyini və hökumətinin də bu mövqeyi bölüşdüyünü qeyd edib.

300.000-dən çox albertalı ayrılma ilə bağlı referendumun keçirilməsi ilə bağlı petisiya imzalayıb. Referendum üçün isə 178.000 imza tələb olunub.

Lakin sorğular göstərir ki, albertalıların əksəriyyəti ayrılmaya qarşıdır.

14 mayda Federal Məhkəmə hakimi Şeyna Leonard əyalət hökumətinin bu məsələ ilə bağlı yerli nümayəndələri ilə məsləhətləşməmələrini əsas gətirərək Albertanın Kanadadan ayrılmasını bloklayıb. Smit xalqın referendum hüququna malik olduğunu qeyd edib.

Alberta 1905-ci ildə Kanadanın bir hissəsi olub. 1940-cı illərdə bölgədə böyük neft ehtiyatları aşkar edilib, lakin bəzi albertalılar federal hökumətin iqlim dəyişikliyi qanunvericiliyinin lehinə neft və qaz sənayesinin inkişafına mane olduğuna inanırlar.