DİM sədri: Magistraturaya qəbul zamanı bəzi proqramlarda yüzlərlə vakant yer qalıb

Magistratura səviyyəsi üzrə qəbulun birinci yerləşdirmə mərhələsində 1858 bakalavr seçdiyi proqramlar üzrə qəbul ola bilməyib.

Herbiand.az xəbər verir ki, bunu Dövlət İmtahan Mərkəzinin (DİM) İdarə Heyətinin sədri Məleykə Abbaszadə jurnalistlərə açıqlamasında deyib. O bildirib ki, bəzi proqramlarda vakant yerlərin sayı yüzlərlədir. Belə ki, 56 nömrəli proqram üzrə 1023, 26 nömrəli proqram üzrə 755 vakant yer qeydə alınıb. 42 nömrəli proqram üzrə 886, 27 nömrəli proqram üzrə 440, 37 nömrəli proqram üzrə 288, 26 nömrəli proqram üzrə isə 290 bakalavr qəbul ola bilməyib. Bununla yanaşı, bir sıra proqramlarda vakant yerlərin payı 50 faizdən çoxdur.

Qəbul olunmayan bakalavrların sayı ilə vakant yerlərin mövcudluğu proqramlar üzrə fərqlənir. Bir sıra proqramlarda yerlər tam dolduğu halda, digər proqramlarda müraciət edənlərin sayının az olması səbəbindən boş yerlər qalıb.

Qeyd olunub ki, qəbul olunmayan bakalavrların sayı hesablanarkən eyni şəxsin bir neçə proqram üzrə ixtisas seçimində iştirakı da nəzərə alınıb.