Chris Elisara: Dini icmalar mənzil böhranının həllində mühüm tərəfdaş ola bilər

Dini icmalar qlobal mənzil böhranının həllində hökumətlər və beynəlxalq təşkilatlar üçün mühüm tərəfdaş rolunu oynaya bilər.

Herbiand.az xəbər verir ki, bunu WUF13 çərçivəsində keçirilən “Parlamentarilər: Şəhər öhdəliklərinin milli fəaliyyətə çevrilməsi – hamı üçün mənzilə aparan parlament yolu” adlı dəyirmi masada ABŞ-nin Mənzil Bərabərliyi və İnkişafı (Housing Equity and Development – HEAD) təşkilatının təsisçisi və rəhbəri Chris Elisara bildirib.

Ətraflı

Ads by  

0

Reklamınızı SmartBee ilə effektiv edin.

Onun sözlərinə görə, dünya əhalisinin təxminən 80%-i dini icmalarla əlaqəlidir və bu qurumlar təhlükəsiz, etibarlı və əlçatan mənzil təminatına mühüm töhfə verə bilər.

Chris Elisara qeyd edib ki, 2017-ci ildə Sinqapurda keçirilən din əsaslı şəhər düşüncə platformasında qəbul olunmuş Sinqapur Bəyannaməsində dini təşkilatların ümumi rifah naminə BMT-Habitat ilə əməkdaşlığının Yeni Şəhər Gündəliyinin uğuru üçün vacib olduğu vurğulanıb.

O bildirib ki, WUF13 çərçivəsində təqdim olunan “Faith Pavilion”un Mənzil üzrə Çağırış sənədində hər bir insanın təhlükəsiz, etibarlı və əlçatan mənzilə çıxışının fundamental hüquq olduğu təsdiqlənib.

Chris Elisara BMT-Habitat ilə dini icmalar arasında institusional əməkdaşlığın gücləndirilməsini və Yeni Şəhər Gündəliyi ilə Dayanıqlı İnkişaf Məqsədi 11-in nəzərdən keçirilməsi prosesində bu tərəfdaşlığın daha da dərinləşdirilməsini təklif edib.

Onun sözlərinə görə, məqsəd ayrıca gündəm yaratmaq deyil, mövcud qlobal öhdəliklərin icrasını sürətləndirmək və mənzil hüququnun təmininə birgə töhfə verməkdir.