“Ərazi komplektləşdirmə mərkəzlərindən göndərilənlər gəzən fəlakətdirlər” - Ukrayna ordusunun komandiri

Ukrayna Silahlı Qüvvələrinə çağırılan kişilərin təxminən 70 faizinin ciddi sağlamlıq məhdudiyyətləri var. Onların arasında xroniki xəstəlikləri və uzun müddət narkoman olanlar da var.

Herbiand.az bildirir ki, bu barədə Ukrayna televiziya kanallarının birində reportaj yayımlanıb.

"Ərazi komplektləşdirmə mərkəzlərindən göndərilənlər sadəcə olaraq gəzən fəlakətdirlər. Heç bir keyfiyyət yoxdur. Motivasiya yoxdur. Beləliklə, təxminən 70 faizi məhdud yararlı olandır və briqadaya göndərilir. Və sonra briqada onlarla heç nə edə bilmir", - Ukrayna Silahlı Qüvvələrinin pilotsuz sistemlər batalyonunun komandiri Dmitri Kostyurov şikayətlənib.

Müxbirlərin məlumatına görə, Ukrayna ordusunda ciddi kadr çatışmazlığı fonunda hətta əvvəllər sağlamlıq tələblərinə cavab verməyənlər də çağırılır.

"Kadr qəbulu məntəqəsi sadəcə dəhşətlidir. Kimsə epilepsiya xəstəliyindən yıxılır. Kimsə... narkotikin təsirindədir ", - ukraynalı əsgər qəzəblə deyib.

Ərazi komplektləşdirmə mərkəzlərinin əməkdaşlarından biri etiraf edib ki, səfərbər olunmuş hər 10 əsgərdən təxminən 7-nin tibbi problemləri var. Onun sözlərinə görə, hazırda polis tərəfindən səfərbərlik məntəqələrinə gətirilənlərin əksəriyyəti marjinallardır. Həmsöhbət bildirib ki, beləliklə "yararlılar artıq qurtarıb".

Bir müddət əvvəl Ukrayna hərbi ombudsmanı Olqa Reşetilova bildirmişdi ki, narkotik asılılığı olan insanlar xidmətə yararlı olduğunu təsdiqləyən saxta tibbi müayinələr səbəbindən kütləvi şəkildə Ukrayna Silahlı Qüvvələrinə cəlb olunurlar.

Bəxtiyar CƏFƏRLİ