Ukraynada “Xmarinka” adlı yeni zərbə dronu təqdim edilib

“General Çereşnya” şirkəti kütləvi istifadə üçün nəzərdə tutulmuş ucuz, təyyarə tipli kamikaze PUA-sı olan yeni “Xmarinka” hücum dronunu təqdim edib.

Herbiand.az bildirir ki, bu barədə şirkət məlumat yayıb.

Dron katapultdan atılır və bu da mürəkkəb infrastruktura ehtiyac olmadan sahədə sürətli yerləşdirməyə imkan verir.

Dronun maksimum uçuş məsafəsi 50 km-ə qədər, havada qalma müddəti 60 dəqiqəyə qədərdir. O, hazırda 7 kq-a qədər faydalı yük daşıya bilir. Maksimum sürəti saatda 140 km-dir. Uzunluğu 153 sm, hündürlüyü 33 sm-dir.

Şirkətin məlumatına görə, “Xmarinka” artıq bir sıra sınaqları başa vurub, bu da onun istehsalının genişləndirilməsinə və daha da döyüş istifadəsinə hazır olduğunu göstərir. İlk 150 dron Ukrayna Təhlükəsizlik və Müdafiə Qüvvələrinə “döyüş bölmələrindən birbaşa rəy almaq üçün” pulsuz olaraq bağışlanacaq.

Bəxtiyar CƏFƏRLİ