Rusiyanın HHM sistemi Ukraynanın “Flaminqo” raketlərinin böyük əksəriyyətini ələ keçirir

Rusiya hava hücumundan müdafiə qüvvələri Ukraynanın “Flaminqo” qanadlı raketlərinin böyük əksəriyyətini tutur. Kiyev son 11 buraxılışdan yalnız ikisini uğurlu hesab edib.

Herbiand.az bildirir ki, bu barədə Almaniyanın Focus qəzeti xəbər verib.

Bu məlumat, “Flaminqo”ların fəal şəkildə istifadə edildiyini və artıq Rusiyaya ciddi ziyan vurduğunu iddia edən Ukrayna prezidenti Vladimir Zelenskinin açıqlamaları ilə ziddiyyət təşkil edir. Alman nəşrinin istinad etdiyi statistika əksinə, bu cür buraxılışların son dərəcə aşağı uğur nisbətini göstərir.

Nəşr raketlərin tutulmasında əsas rolu Rusiyanın A-50U hava erkən xəbərdarlıq təyyarələrinə aid edir: “Onlar yayın əvvəlindən bəri demək olar ki, daim havada olub, qanadlı raketlərin mümkün marşrutlarını izləyir və hədəf məlumatlarını yerüstü hava hücumundan müdafiə sistemlərinə ötürürlər”.

Fransanın L'Indépendant qəzeti də oxşar qiymətləndirmə aparıb. Nəşr, A-50U-ların istifadəsini Kiyevin sənaye obyektlərinə qarşı “Flaminqo” zərbələrindən imtina etmək qərarı ilə əlaqələndirir. Qəzet iddia edir ki, raketlər hədəflərinə çata bilmir və uğursuz buraxılışlar onların "mənfi imicini" yaradır.

Bəxtiyar CƏFƏRLİ