Lantratova: Uşaqların məktubları rus əsgərlərinə əsirlikdə dözməyə kömək edir

Humanitar kampaniyalar çərçivəsində rus hərbi əsirlərin aldıqları məktublar onlara Ukrayna əsirliyində dözməyə kömək edir. Onları təkcə ailələri deyil, həm də yad insanlar və uşaqlar göndərir.

Herbiand.az xəbər verir ki, bu barədə Rusiyanın İnsan Hüquqları üzrə Komissarı Yana Lantratova bildirib.

"Oğlanlarımızı (əsirlikdən – red.) Müdafiə Nazirliyi ilə birlikdə götürəndə həmişə onlara dözməyə nəyin kömək etdiyini soruşuram və onlar məktublarını çıxarıb deyirlər: budur, oxuduğumuz məktublar. Bu məktublar həmişə yalnız ailələrindən deyil, bəzən tamamilə yad insanlardan, uşaqlardan və məktəblərdən gəlir", - Lantratova jurnalistlərə bildirib.

O, uşaqların əsgərlərə məktub yaza biləcəyi məktəb kampaniyalarının vacibliyini qeyd edib, çünki hərbi əsirlər üçün hər məktub "təmiz hava nəfəsi"dir: "Son mübadilə zamanı biz (Lantratova və Ukrayna Ombudsmanı Dmitri Lubinets – red.) bir-birimizə əsirlikdə olanlara ailələrinin yazdığı çoxlu sayda məktublar olan qutu ötürdük".

Bəxtiyar CƏFƏRLİ