Advertisment

Ağdamın işğaldan azad edilməsindən 6 il ötür

Bu gün, noyabrın 20-də Ağdam Şəhəri Günü qeyd olunur. 2020-ci ilin bu günü 27 illik işğala son qoyularaq Ağdam şəhəri Azərbaycana qaytarılıb. Vətən müharibəsində Azərbaycan Ordusunun qazandığı tarixi Zəfər nəticəsində Ağdam bir güllə atılmadan azad edilib.

2020-ci il noyabrın 10-da imzalanmış üçtərəfli bəyanata əsasən, Ermənistan silahlı qüvvələri rayonu tərk edib, noyabrın 20-də Azərbaycan Ordusunun bölmələri Ağdama daxil olaraq dövlət bayrağımızı ucaldıblar. Beləliklə, illərlə düşmən tapdağında qalan qədim Azərbaycan torpağı öz sahibinə qovuşub.

Ağdamın azadlığı yalnız ərazi bütövlüyümüzün bərpası deyil, həm də xalqımızın tarixi ədalətə qovuşmasının mühüm rəmzidir. İşğal dövründə şəhər və kəndlərimiz dağıdılaraq xarabalığa çevrilsə də, Ağdamın dirçəlişi və yenidən qurulması istiqamətində genişmiqyaslı işlər həyata keçirilir.

Azərbaycan Prezidenti İlham Əliyevin 2023-cü il 31 iyul tarixli sərəncamına əsasən, hər il noyabrın 20-si Ağdam Şəhəri Günü kimi qeyd olunur.

Herbiand.az