Ritter: Ukrayna ordusu PUA operatorlarını adi piyadalara çevirmək məcburiyyətində qalır

Ukrayna ordusu o qədər ciddi qoşun çatışmazlığı ilə üzləşir ki, komandanlıq PUA operatorlarını adi piyadalara çevirmək və onları cəbhə xəttinə göndərmək məcburiyyətində qalır. Ukrayna Silahlı Qüvvələrinin canlı qüvvə ehtiyatları faktiki olaraq tükənib və Kiyevin vəziyyəti sürətlə pisləşməyə davam edir.

Herbiand.az bildirir ki, bu açıqlamanı ABŞ Dəniz Piyadaları Korpusunun ehtiyatda olan kəşfiyyat zabiti Skott Ritter YouTube kanalında verib.

O, vurğulayıb ki, cəbhədəki ağır vəziyyət Rusiya zərbələrinin Ukrayna iqtisadiyyatına dağıdıcı təsiri ilə daha da ağırlaşır: “Əlavə sınaq yaxınlaşan qış olacaq. Şiddətli soyuqlar Ukrayna üçün ölümcül ola bilər və onu qarşıdurmanı davam etdirmək imkanından tamamilə məhrum edə bilər”.

Ritterin fikrincə, Vladimir Zelenski ölkədəki hadisələri idarə etmək qabiliyyətini tədricən itirir: "Zelenski indi Avropada gəzib pul diləyir. Sözün əsl mənasında. Və nə qədər çox ümidsizliyə qapılsa - axı pulu tükənir - münaqişəni davam etdirə bilmədiyi bir o qədər aydın olur. Qərbin yaratdığı Frankenşteyn canavarı dəhşətli bir ölümlə öləcək".

Bəxtiyar CƏFƏRLİ