Britaniyada ehtiyatda olan əsgərlər büdcə ixtisarı səbəbindən az təlim keçəcəklər

Böyük Britaniyada ehtiyatda olan əsgərlər büdcə məhdudiyyətləri səbəbindən daha az müddətə xidmət edəcəklər.

Herbiand.az bildirir ki, bu barədə The Daily Telegraph qəzeti Müdafiə Nazirliyindəki mənbələrə istinadən xəbər verir.

Məqaləyə görə, ordudan ehtiyat komandirlərinə ilin sonuna qədər ehtiyat qüvvələrə xərclərin azaldılması zərurəti barədə məlumat verilib: “İxtisarlar nəticəsində hər ehtiyatda olan əsgərin orta xidmət müddətinin 4-6 gün azaltması gözlənilir. Bu, təkcə ehtiyatda olan əsgərlərin təliminə deyil, həm də vacib milli infrastrukturun qorunması və kiberhücumlara qarşı mübarizə də daxil olmaqla digər missiyalara təsir göstərməlidir”.

The Daily Telegraph qəzetinin məlumatına görə, Kral Hərbi Hava Qüvvələri və Kral Dəniz Qüvvələrinin ehtiyat qüvvələrinə də cari maliyyə ilində qənaət tapmaq tapşırılıb, lakin ixtisarlardan ən çox ordu ehtiyatı zərər çəkəcək.

Böyük Britaniyada ehtiyatda olan əsgərlər adətən ildə minimum 27 gün xidmət edirlər, lakin istəsələr, əlavə təlim keçə bilərlər.

Bəxtiyar CƏFƏRLİ