Rusiya hərbçiləri dronlar üçün yeni video qəbuledicilər əldə edib

Rusiya Silahlı Qüvvələrinin pilotsuz sistem bölmələri elektron müharibəyə yüksək dərəcədə davamlı olan yeni “Spektr-K” video qəbulediciləri əldə edib.

Herbiand.az bildirir ki, bu barədə qəbulediciləri hazırlayan “Sektor” şirkətinin mətbuat xidməti məlumat verib.

Avadanlığın əsas xüsusiyyəti onun 12 GHz-dən yuxarı tezliklərdə işləmə qabiliyyətidir. İstehsalçının sözlərinə görə, bu, diapazon cihazlarını Ukrayna qoşunları tərəfindən istifadə edilən elektron müharibə sistemlərinə qarşı faktiki olaraq toxunulmaz edir.

“Spektr-K”-nın digər üstünlüyü istənilən tezliyə uyğunlaşma qabiliyyətidir. Avadanlıq sabit tezlik şəbəkələrinə və ya standart kanallara bağlı deyil ki, bu da onun tətbiq dairəsini genişləndirir.

Bəxtiyar CƏFƏRLİ