Çindən Rusiyaya gələn avtomobildə diri pişik tapılıb

Rusiya vətəndaşının Çindən aldığı avtomobildə canlı pişik tapılıb. Pişiyi avtomobil çatdırıldıqdan sonra görüblər. Heyvan mühərrik bölməsinə dırmaşıb və inadla gizləndiyi yerdən çıxmaqdan imtina edib.

Herbiand.az bu barədə Rusiya mətbuatına istinadən bildirir.

Dərc olunan görüntülərdə qorxmuş pişiyin avtomobilin hissələri arasında hərəkət edərək qaçmağa çalışdığı görünür. Avtomobil təmiri sexinin işçiləri onu iki dəfə tutmağa çalışıb, lakin hər iki cəhdə uğursuz olublar. Heyvan hər dəfə başqa yerdə gizlənib.

Vəziyyət pişiyin yaxınlıqda park edilmiş bir avtomobildən digərinə keçməsi ilə çətinləşirdi. Təmir sexinin işçiləri zarafatla gözlənilməz qonağın açıq-aydın Çin avtomobillərinə üstünlük verdiyini deyirdilər.

Nəticədə pişik avtomobildən çıxarılıb. Ancaq nəzarətsiz qalmayıb və ona yeni sahib tapılıb.

Xəbər sosial mediada müzakirələrə səbəb olub. Bəziləri pişiyin həqiqətən Çindən gəldiyinə şübhə ilə yanaşıblar və onun artıq Rusiyada, bəlkə də Uzaq Şərqdə olarkən avtomobilə minə biləcəyini irəli sürüblər. Digərləri isə zarafatla heyvanı qanunsuz immiqrant adlandırıblar.

Bəxtiyar CƏFƏRLİ