Çin İran dəniz limanlarının blokadasından narahatdır

Çin hakimiyyəti ABŞ-ın İran dəniz limanlarını hərbi blokadada saxlaması ilə bağlı narahatlığını bildirib.

Herbiand.az TASS-a istinadən xəbər verir ki, Çin Xarici İşlər Nazirliyinin sözçüsü Lin Jian bu barədə bildirib:

"Çin Fars körfəzi bölgəsində hərbi münaqişənin yenidən başlamasından dərin narahatlığını bildirir. Hörmüz boğazına bitişik ölkələrin qanuni hüquq və mənafelərinə hörmət və bu sularda normal və təhlükəsiz naviqasiyanın tez bir zamanda bərpası beynəlxalq ictimaiyyətin ortaq arzusudur".

Çinli diplomat vurğulayıb ki, Pekin rasionallıq və təmkin nümayiş etdirməyə, çətinliklə qazanılan atəşkəsin qorunmasına, hərbi əməliyyatların yenidən başlamasının qarşısını almağa və xüsusən də mülki şəxslərin itkisinə səbəb olan vəziyyətin müvəqqəti olaraq gərginləşməsinin qarşısını almağa çağırır.