İran SEPAH-ın təhlükəsizliyə təhdid kimi qəbul edən Britaniyanın tənqid edib

İran Xarici İşlər Nazirliyi Britaniya hökumətinin İslam İnqilabı Keşikçiləri Korpusunu (SEPAH) Milli Təhlükəsizlik Qanununa əsasən təhdid kimi təyin etmək qərarını pisləyərək, bunu ədalətsiz, məsuliyyətsiz və beynəlxalq hüququn fundamental prinsiplərinə, o cümlədən dövlətlərin suveren bərabərliyinə və daxili işlərə müdaxilə etməməyə zidd adlandırıb.

Herbiand.az “Mehr” agentliyinə istinadən xəbər verir ki, nazirliyin bəyanatında SEPAH-ın İran silahlı qüvvələrinin ayrılmaz hissəsi olduğu və İran ordusu ilə birlikdə ölkənin ərazi bütövlüyünü, milli suverenliyini və milli təhlükəsizliyini qorumaq vəzifəsi daşıdığı bildirilib.

Bəyanatda həmçinin qeyd olunub ki, SEPAH-ın  İranın təhlükəsizliyinə və regional sülhə verdiyi töhfə, xüsusən də İŞİD-ə qarşı mübarizədəki rolu hamıya məlumdur.

Tehran Böyük Britaniyanın müstəqil dövlətin rəsmi qurumunu təhlükəsizlik təhdidi kimi təyin etmək qərarını "Birləşmiş Millətlər Təşkilatının Nizamnaməsini və beynəlxalq hüququ pozan ucuz, təxribatçı cəhd" adlandırıb.