Rusiya ordusu 2022-ci ildə olduğundan daha təhlükəlidir

Artəq Rusiya ordusu 2022-ci ildə Ukraynaya hücum edən Rusiya ordusu deyil. Dörd ildən artıq davam edən müharibədə Rusiya dəyişikliklər edə-edə, itkilər verə-verə yeni silahlı qüvvələr formalaşıb. Bu gün ruslar situasiyaya 2022-ci ildəkindən daha tez uygunlaşırlar.

Herbiand.az xəbər verir ki, Forbes nəşrində dərc olunan məqalədə belə deyilir.

"Müharibə nə qədər uzun sürərsə, ruslar bir o qədər yaxşı və daha sürətli öyrənirlər", - deyə təqaüdçü avstraliyalı general-mayor Mik Rayan qeyd edib.

Nəşrin qeyd etdiyi kimi, bu öyrənmə prosesi istənilən tək pilotsuz təyyarədən daha vacib ola bilər. Bu, dünyanın ən böyük ordularından birinin ucuz PUA-ların getdikcə daha çox rol oynadığı döyüş meydanına necə uyğunlaşdığını göstərir.

"Ən təəccüblü nümunələrdən biri 2024-cü ilin avqust ayında Rusiya Qabaqcıl Pilotsuz Texnologiyalar Mərkəzi olan “Rubicon”un yaradılması idi. Xarici Siyasət Tədqiqat İnstitutunun baş elmi işçisi Rob Li və Ukraynanın keçmiş pilotsuz sistem zabiti Dmitri Putyata yazırdılar ki, “Rubicon” silahlı qüvvələrin bütün qollarında döyüş meydanındakı innovasiyaların yayılmasını sürətləndirmək üçün yaradılıb", - deyə məqalədə xatırladılır.

Onlar vurğulayırlar ki, Rubicon hücum əməliyyatlarını dəstəkləməkdənsə, cəbhə xəttindən 10-40 kilometr geridə yerləşən Ukrayna dron heyətlərini, elektron müharibə sistemlərini və logistika marşrutlarını məğlub etməyə diqqət yetirir.

Forbes yazır: "Rubicon” bu yanaşmanı ilk dəfə Kursk bölgəsini geri almaq üçün Rusiya əməliyyatı zamanı nümayiş etdirdi, bundan sonra ordu istifadəsini şərqi Ukraynaya genişləndirdi. 2025-ci ilin sonlarında Starlink-ə qoşulmuş orta mənzilli hücum dronlarından da geniş istifadə etdi və bu da operatorlara fevral ayında şəbəkəyə giriş bağlanana qədər Ukraynanın arxasına daha dərindən zərbə endirməyə imkan verdi".