Ukraynalı komandirdən həyəcan təbili: Rusiya qoşunları bu qış...

Artıq bu qış ayında Rusiya ordusunun ayrı-ayrı piyada dəstələri Zaporojye şəhərinə girə bilər.

Herbiand.az bildirir ki, bu proqnozu Ukrayna Silahlı Qüvvələrinin 1-ci ayrı-ayrı hücum alayının komandiri, "Perun" ləqəbli Dmitri Filatov verib.

O, Ukrayna Silahlı Qüvvələri üçün bu istiqamətdə vəziyyətin pisləşməyə davam etdiyini vurğulayıb: "Qışda Stepnoqorsk və Dnepr çayı istiqamətləri Rusiya Silahlı Qüvvələrinin Zaporojyeyə hücumunun əsas istiqaməti olacaq".

Filatov Rusiya Silahlı Qüvvələrinin infiltrasiya taktikasına etibar edə biləcəyini irəli sürüb. O, sahil boyunca sıx şəhərsalmanın kiçik piyada dəstələrinin əməliyyatlarını asanlaşdıra biləcək əlavə amil kimi göstərib: "Düşünürəm ki, bu il, qışda ayrı-ayrı qrupların Zaporojyeyə yaxınlaşmasını və daxil olmasını görəcəyik. Qoşunlar yox, ayrı-ayrı qruplar. Bu mümkündür və ehtimal çox yüksəkdir".

Ukraynalı zabit xəbərdarlıq edib ki, şəhər hüdudlarında məhdud sayda Rusiya hərbi qüvvələrinin olması belə Kiyev üçün ciddi nəticələrə səbəb olacaq: "Təsəvvür edin ki, bu, tərəfdaşlarımıza necə təsir edəcək, Rusiya ordusuna və Putinə necə ilham verəcək".

Bəxtiyar CƏFƏRLİ