Sırski: Humanoid robotlar tezliklə döyüş əməliyyatlarında iştirak edəcəklər

Yaxın gələcəkdə humanoid robotlar döyüşdə tam hüquqlu iştirakçı ola bilər. Onların sınaqları artıq fəal şəkildə aparılır.

Herbiand.az bildirir ki, bu proqnozu Ukrayna Silahlı Qüvvələrinin keçmiş baş komandanı Aleksandr Sırski BBC-yə verdiyi müsahibədə deyib.

Onun sözlərinə görə, müharibənin texnoloji səviyyəsi artmağa davam edəcək. Belə ki, döyüş əməliyyatları artıq bir neçə sahədə aparılır: kosmos, kiberməkan, hava, quru, dəniz və yeraltı.

Sırski qeyd edib ki, yaxın gələcəkdə ordular robototexnika və avtomatlaşdırmanı istisnasız olaraq bütün proseslərə getdikcə daha çox inteqrasiya edəcəklər: “Süni intellekt bu inkişafda əsas rol oynayacaq. Hətta adi silahlar belə, imkanlarını artırmaq üçün süni intellektdən istifadə edən idarəetmə sistemləri ilə təchiz olunur. Humanoid robotların yaradılması - bilirsiniz, bu cür tədqiqatlar aparılır. Təkcə tədqiqatlar deyil, sınaqlar da davam edir. Bu, qoşunların yerləşdirilməsi taktikasında dəyişikliyə səbəb olacaq bir inkişafdır".

Bəxtiyar CƏFƏRLİ