Advertisment

Ukrayna NATO agentliyi vasitəsilə silah-sursat ala biləcək

Ukrayna NATO-nun mərkəzləşdirilmiş satınalma agentliyi vasitəsilə silah, sursat və hərbi texnika almaq imkanı əldə edib.

Bu barədə “Financial Times” məlumat yayıb.

Nəşrin məlumatına görə, yeni mexanizm Kiyevə müdafiə vasitələrini daha sürətli və daha sərfəli şəkildə əldə etməyə imkan verə bilər. Söhbət NATO-nun Dəstək və Təchizat Agentliyindən (NSPA) gedir.

NSPA-nın Əməliyyatlara Dəstək üzrə direktoru Jaklin Borsboom “Financial Times”a bildirib ki, razılaşma Ukraynaya NATO-nun satınalma təcrübəsindən, dəstək xidmətlərindən və artıq formalaşmış sənaye bazasından daha strukturlaşdırılmış şəkildə istifadə etmək imkanı verir.