109 kq olmağı məhkuma mane olmadı, həbsxanadan qaçdı

ABŞ-ın Tennessi ştatındakı islah müəssisəsindən bir məhkum qaçmağa müvəffəq olub. O, həmkarını öldürdüyünə görə ömürlük həbs cəzasına məhkum edilib.

Herbiand.az bu barədə Associated Press agentliyinə istinadən bildirir.

Məlumata görə, 28 yaşlı Ceykob Morli hasardan keçərək müəssisəni tərk edib. Hakimiyyət orqanları onun tutulmasına kömək edən məlumata görə 2500 dollara qədər mükafat təklif edib.

Məhkumun itkin düşməsi 25 oktyabr bazar günü saat 23:30 radələrində aşkar edilib. Müşahidə kameralarının görüntülərini araşdırdıqdan sonra zabitlər onun həbsxana forması geyindiyini müəyyən ediblər, lakin qaçışın təfərrüatlarını açıqlamayıblar.

Morli 2022-ci ildə həmkarını öldürməyə görə məhkum edilib. Mərhumun cəsədi itkin düşməsindən bir neçə həftə sonra cinayətkarın evinin altındakı qutuda tapılıb. O, həmçinin əraziyə qanunsuz daxil olmaqda, dəlilləri məhv etməkdə, vandalizmdə və polisdən yayınmağa cəhd etməkdə də günahkar bilinib.

Bəxtiyar CƏFƏRLİ