Papuaşvili: Aİ Gürcüstanla münasibətlərdə pozucu mövqe tutur

“Avropa İttıfaqı Gürcüstanla münasibətlərdə pozucu mövqe tutur”.

Herbiand.az xəbər verir ki, bunu Gürcüstan parlamentinin sədri Şalva Papuaşvili ölkənin Aİ-nin gələn ay Brüsseldə keçiriləcək genişlənmə forumuna dəvət olunmamasını şərh edərkən deyib.

O, Gürüstanın Aİ ilə münasibətlərdə konstruktiv mövqedən çıxış etdiyini vurğulayıb.

“Biz onları danışıqlar masası arxasında gözləməyə hazırıq. Hesab edirəm ki, qarşıdurma çıxış yolu deyil. Avropa İttifaqının qarşıdurmaya getdiyi hallarda birlik özü məğlub olub və digər ölkələri daha ciddi səhvlərə sövq edərək olduqca ağır vəziyyətə düşüb. Avropa İttifaqının konstruktiv məcraya dönməsi zamanı yetişib”, - deyə spiker əlavə edib.

Parlament sədri, həmçinin Aİ-nin xarici siyasətinin yetkin olmadığını və iri dövlətlərin birliklə qlobal güc kimi hesablaşmadığını qeyd edib.