Macarıstan Rusiya qazından buna görə imtina edib-İqtisadçı səbəbi açıqladı

Macarıstan Rusiya qazından imtina yolunu seçməsinin səbəbi açıqlanıb. Herbiand.az xəbər verir ki, rusiyalı iqtisadçı Aleksey Zubets bu barədə açıqlama verib.

“Orban hakimiyyətdə olarkən Avropa İttifaqı Macarıstana kifayət qədər böyük məbləğin – bir neçə on milyard dolların ayrılmasını bloklayıb. Kiçik və kasıb ölkə olan Macarıstan üçün bu, çox böyük vəsaitdir. Hazırda Rusiya qazından imtina müqabilində Macarıstan dondurulmuş fondlara çıxış əldə etmək istəyir”-deyə, o, bildirib.

Ekspert hesab edir ki, Macarıstanın özü Rusiya enerji resurslarından imtina etməkdə maraqlı deyil. “Lakin ümumi tendensiya var: gəlin, Rusiya qazından imtina edək”,-deyə, analitik izah edib.

Zubets onu da xatırladıb ki, 2025-ci ildə Avropa Komissiyasının rəhbəri Ursula fon der Lyayen Avropa İttifaqı adından ABŞ-dan müəyyən həcmdə mayeləşdirilmiş təbii qaz alınması ilə bağlı öhdəlik götürüb.

E.Cəfərli

Herbiand.az