Rusiyada 7 ayda 1000-dən çox əcnəbi vətəndaşlığını itirib

2026-cı ilin ilk 7 ayında 1000-dən çox insana qarşı Rusiya vətəndaşlığından zorla çıxarılması barədə qərarlar qəbul edilib ki, bunların əksəriyyəti cinayət törətməklə bağlı olub.

Herbiand.az xəbər verir ki, bu barədə Rusiya Daxili İşlər Nazirliyinin rəsmi sözçüsü İrina Volk bildirib.

Onun sözlərinə görə, bu cür qərarların 72%-i "Rusiya Federasiyasının Vətəndaşlığı haqqında" Qanunun 24-cü maddəsində sadalanan cinayətlərə görə məhkəmə hökmlərinin qüvvəyə minməsi ilə bağlıdır - 11%-i ilkin hərbi xidmətə yazılmaqdan imtina, 10%-i milli təhlükəsizliyə təhdid yaradan hərəkətlərə görə, 7%-i isə vətəndaşlıq üçün müraciət edərkən saxta sənədlərin və ya bilərəkdən yalan məlumatların təqdim edilməsini təsdiqləyən məhkəmə qərarlarına əsaslanır.

Volk əlavə edib ki, Rusiya Daxili İşlər Nazirliyi şəxslərin qanuni əsas olmadan Rusiya vətəndaşlığını almasının qarşısını almaq üçün sistemli şəkildə çalışır: “2026-cı ilin ilk yeddi ayı ərzində rədd edilmiş ərizələrin sayı 10% artıb - bu rədd cavablarının yarıdan çoxu əcnəbilərin saxta və ya etibarsız sənədlər təqdim etməsi və ya yalan məlumat verməsi ilə bağlı olub”.

Bəxtiyar CƏFƏRLİ